„ISFED-ის მიერ არჩევნების შედეგების გაყალბება ვეღარ გაჭრის, ეს უკვე ნაცადი ხერხია მათთვის და ახლა სურთ მთლიანი სასამართლო აჩუქონ უცხოეთს, ვინც ლობირებს მათ ანტიქართულ პოლიტიკას საქართველოში“, - წერს სოციალურ ქსელში „ხალხის ძალის“ წევრი თამარ ჩიბურდანიძე. იგი აქვე დასძენს, რომ ოპოზიციას და მის „ენჯეოებს“ ხალხის ბედი არ აწუხებთ, მათ შორის არც რეფორმების.

„ვეტინგის მეთოდით საქართველოს მართლმსაჯულების გადაცემა სხვა ქვეყნისთვის, სულ მცირე მტრობაა ქვეყნისთვის. წარმოუდგენელია, რომ ეს არ ესმოდეთ ოპოზიციაში და მათ „ენჯეოებში“. სწორედაც რომ კარგად ესმით და იციან, ამიტომ ითხოვენ ქვეყნის სუვერენიტეტის მთავარი საყრდენის - სასამართლოს მართვის სადავეების უცხოელებისთვის გადაცემას.

არავის ეგონოს, რომ ოპოზიციას და მის ენჯეოებს ხალხის ბედი აწუხებდეთ, რომ ეგრეთ წოდებული რეფორმებით ვინმეს დაეხმარონ სამართლის პოვნაში. არა, მათ მხოლოდ არჩევნების ბედი და ხელისუფლების ხელში ჩაგდება აწუხებთ. ISFED-ის მიერ არჩევნების შედეგების გაყალბება ვეღარ გაჭრის, ეს უკვე ნაცადი ხერხია მათთვის და ახლა სურთ მთლიანი სასამართლო აჩუქონ უცხოეთს, ვინც ლობირებს მათ ანტიქართულ პოლიტიკას საქართველოში.

ვეტინგის პროექტი ქართული ოპოზიციის და მათი „ენჯეოების“ ლუსტრაციაა. როგორ უნდა მტრობდე საკუთარ ქვეყანას, რომ შენი მართლმსაჯულება სხვას გადასცე სამართავად, ანუ, სახელმწიფოს ჩუქნი სხვას“, - წერს თამარ ჩიბურდანიძე.