ჟურნალისტი ნინო მიქიაშვილი მისი რესპოდენტის მონათხრობს ასაჯაროვებს, რომელმაც ირაკლი კოდუას კაბინეტი გაურემონტა:

„კოდუამ მითხრა, ზუსტად მიშასნაირი კაბინეტი გამიკეთეო.

ერეკლე კოდუამ დამირეკა, ზუსტად მიშასნაირი კაბინეტი მინდაო. წამიყვანა და სააკაშვილის კაბინეტი მაჩვენა. პრობლემა არ არის, გავაკეთებ-მეთქი. სამუშაოები დაასრულე და რაც გადასახდელია გადავიხდიო, - მომიგო.

დავიწყეთ მუშაობა და მალევე დავასრულეთ. მოვიდა, ნახა, მოეწონა. დაანგარიშებული მქონდა და ვუთხარი რამდენიც იყო გადასახდელი, მაგრამ ფული იქით გადამახდევინეს. ხელი გამარტყა, ძვირიაო და მერე პანჩური ამომარტყა.

ამ ამბავს სოსო თოფურიძეც შეესწრო. დამიჭირეს და გლდანის ციხეში გამამწესეს. ბოლოს 20 ათასი ლარი იქით გადამახდევინეს და გამომიშვეს."- აქვეყნებს მიქიაშვილი.