ჟურნალისტებს განათლების მინისტრმა ალექსანდრე ჯეჯელავამ თსუ-ს რექტორობის ერთ-ერთი კანდიდატის გია შარვაშიძის შესახებ კითხვაზე განუცხადა, რომ გია შარვაშიძე ერთ-ერთი საუკეთესო მენეჯერია.

„ჩვენ ის ხალხი ვართ, რომელიც ყველა არჩევნებს სერიოზულად განიხილავს. ვისაც ვინ მოსწონს, იმას მისცემს ხმას, თუმცა ძალიან გამიხარდებოდა, თუ თსუ-ს შარვაშიძის მსგავსი რექტორი ეყოლებოდა",- აღნიშნა ჯეჯლავამ.

მისივე თქმით, რაც უფრო ძლიერი რექტორი ეყოლება უნივერსიტეტს, მით უფრო რთული იქნება მის საქმეში ჩარევა.

„ამას სჭირდება სწორედ შარვაშიძის დონის მენეჯერი",- აღნიშნა განათლების მინისტრმა ალექსანდრე ჯეჯელავამ.