„ვერავინ იტყვის, რომ პოლიცია ხალხზე ძალადობს. ერთეული შემთხვევები მსოფლიოში ყველგანაა და მასზე ადეკვატური რეაქცია კეთდება", - ამის შესახებ საქართველოს ექს-პრემიერმა  ბიძინა ივანიშვილმა სამცხე-ჯავახეთში რეგიონულ მედიასთან შეხვედრაზე განაცხადა.

„ოპონენტები ამას სულ ამბობდნენ, რომ აი, ჩამოიშალა პოლიცია, კრიმინალი გამძაფრდა, სახლში ვეღარ ვიცხოვრებთ, მანქანებს იტაცებენ. თვითონ დაამტვრიეს რამდენიმე მანქანა, გააკეთეს ამის მსგავსი პროვოკაცია. შედეგი მივიღეთ, რომ დღეს პოლიცია არის აბსოლუტურად ხალხის სამსახურში ჩამდგარი. ვერავინ იტყვის, რომ პოლიცია ხალხზე ძალადობს. ერთეული შემთხვევები მსოფლიოში ყველგანაა და მასზე ადეკვატური რეაქცია კეთდება. შესაბამისად, საერთაშორისო რეიტინგები ნახეთ, ევროპაში მე-9 ადგილზე ვართ ამ მხრივ. 2012 წლამდე ყველაზე მაფიოზური ქვეყნების რიგში იდგა საქართველო, 75-ე ადგილზე იყო", - განაცხადა ივანიშვილმა.