„ქართული ოცნების" მაჟორიტარი დეპუტატობის კანდიდატი გლდანში კობა კობალაძე წინასაარჩევნო გარემოს მიმოიხილავს და აღნიშნავს, რომ ოპონენტებს შორის „ნაციონალური მოძრაობა" ერთი ნიშნით გამოირჩევა და ეს არის გამარჯვებისთვის ყველაფრის გაკეთება, მათ შორის არეულობა და გადატრიალება.

„საკითხი არის ისე დასმული, რომ მთავარი ოპოზიციური ძალა კი არ არის „ნაციონალური მოძრაობა", მთავარი ყველაფრის მკადრებელი ძალაა „ნაციონალური მოძრაობა". ამის შემსწრე, წლების განმავლობაში ამ განცდით მაცხოვრებელი ჩვენი ქვეყნის მოსახლეობა იყო.

რეალურად, დღეს როდესაც საუბრობენ იმაზე, რომ ვითომ კრიმინალი მომრავლდა და გაძლიერდა, ჩვენ გვავიწყდება, რომ მათი მმართველობის ჟამს ქვეყანაში 400 ათასამდე პრობაციონერი იყო."- განაცხადა კობა კობალაძემ.