ფილიპინების დედაქალაქ მანილას აეროპორტში საგანგებო სიტუაცია შეიქმნა. Saudia Airlines თვითმფრინავის მფრინავის განცხადებით, ავიალაინერის გატაცება იგეგმებოდა.

აეროპორტის ადმინისტრაციის განცხადებაში ნათქვამია, რომ დაშვებამდე ცოტა ხნით ადრე დისპეტჩერებმა ხელმძღვანელობას შეატყობინეს, რომ რეის SV872-თან დაკავშირებით გარკვეული საფრთხეები არსებობს.

ამჟამად თვითმფრინავი მანილას საერთაშორისო აეროპორტშია, ადგილზე მობილიზებულია პოლიციის ძალები. მომხდარის სხვა დეტალები ჯერჯერობით უცნობია.

რეისის დროს Saudia Airlines-ის თვითმფრინავის ბორტზე 300 მგზავრი იმყოფებოდა.