„ქართული ოცნების" მაჟორიტარი დეპუტატობის კანდიდატი გლდანში კობა კობალაძე ქართველი ჟურნალისტისა და ლექტორის, ნოდარ ტაბიძის გარდაცვალებას „რეპორტიორთან" საუბარში ეხმიანება და ამბობს, რომ ეს არის არა მხოლოდ მისი ახლობლების, არამედ მთელი ქვეყნის დანაკლისი.

„ბატონი ნოდარი იყო ქართული ჟურნალისტიკის ერთ-ერთი ფუძემდებელი, დიდი გალაკტიონ ტაბიძის პირდაპირი შთამომავალი და თითოეული ჩვენგანის უფროსი მეგობარი და მასწავლებელი. ეს არის არა მარტო ჩვენი მწუხარება, ეს არის მთლიანად, ქვეყნის დანაკარგი და ღმერთმა აცხონოს და სასუფეველი დაუმკვიდროს ბატონ ნოდარს", - განაცხადა კობა კობალაძემ.