საქართველოს კულტურისა და ძეგლთა დაცვის სამინისტროს მხარდაჭერით, ხორციელდება პროექტი „შემოსაზღვრე საქართველო".

23 სექტემბერს, 15:00 საათზე, ნიქოზის საჯარო სკოლაში, აღნიშნული პროექტის ფარგლებში, გაიმართება სხვადასხვა ღონისძიება - „ვეფხისტყაოსნის" 850 წლისთავთან დაკავშირებით, ეროვნული ბიბლიოთეკის დირექტორი გიორგი კეკელიძე წაიკითხავს ლექციას და გამართავს დისკუსიას ადგილობრივ მოსახლეობასთან; კულტურული პროცესების განვითარებისა და კულტურათაშორისი დიალოგის მნიშვნელობაზე კი, საქართველოს ხელნაწერთა ეროვნული ცენტრის თანამშრომელი, მეცნიერი ესმა მანია ისაუბრებს; ღონისძიების ფარგლებში, ასევე გაიმართება,  ქართული მხატვრულ-დოკუმენტური ფილმის „თამარი" ჩვენება. კინოსურათის სცენარისტი, მწერალი გურამ მეგრელიშვილი ინტერაქციის რეჟიმში ადგილობრივ მოსახლეობასთან დიალოგს გამართავს.

ღონისძიების ფარგლებში, სხვადასხვა სახის გამოფენა მოწყობა, ადგილობრივი ახალგარზდა ხელოვანების მონაწილეობით;

პროექტის დასკვნითი ნაწილში კი შემაჯამებელ კონცერტი გაიმართება; კონცერტში მონაწილეობენ: ფოლკლორული ანსამბლი „მაჩაბელა" და კომპოზიტორ მიხეილ მდინარაძის ბენდი;

ადგილობრივ სკოლებსა და ბიბლიოთეკებს გადაეცემა სამინისტროს ხელშეწყობით გამოცემული წიგნები;

პროექტი „შემოსაზღვრე საქართველო" ორგანიზაცია „მომავლის სოფლის" ინიციატივით ხორციელდება.