„ნაციონალური მოძრაობის" მმართველობის დროს, ექსპორტზე გატანილი ღვინიდან მიღებული შემოსავალი იყო 472 მილიონი დოლარი. 4 წლის განმავლობაში კი 527 მილიონია. შეიძლება სულ ცოტა ცდომილება მქონდეს. 527 მილიონი 4 წელიწადში გაცილებით მეტია ვიდრე 9 წლის განმავლობაში",- ამის შესახებ ყოფილმა პრემიერ-მინისტრმა ბიძინა ივანიშვილმა კახეთში, მედიის წარმომადგენლებთან შეხვედრისას ისაუბრა.

როგორც ივანიშვილმა, GDS-ის ეთერში განაცხადა, კახეთში რთველის პროცესი წარმატებულად მიმდინარეობს.

„ნაციონალური მოძრაობის" მმართველობის დროს, ექსპორტზე გატანილი ღვინიდან მიღებული შემოსავალი იყო 472 მილიონი დოლარი. 4 წლის განმავლობაში კი 527 მილიონია. შეიძლება სულ ცოტა ცდომილება მქონდეს. 527 მილიონი 4 წელიწადში გაცილებით მეტია ვიდრე 9 წლის განმავლობაში. შემთხვევითაა? ვიღაც იტყვის, რომ ნელ-ნელა განვითარდა? მაშინ სხვა რამეც გავიხსენოთ - 2005-2006 წლებში, მე ვაძლევდი სუბსიდირებას პირადად კახელ გლეხებს. მესამე წელიწადს უარი მითხრეს, შენ ეკონომიკა არ იციო, ბენდუქიძეა მაგარიო, ქართულ ღვინოს და ყურძენს ფასი არ აქვსო, მაგას ევროპაში ვერ გაიტანო, მხოლოდ საკონიაკე სპირტი უნდა დამზადდესო და 20 თეთრზე მეტი თუ იყოო, არარენტაბილურიაო, ამიტომ თავი დაანებე შენ დახმარებასო, დაჟინებით ვითხოვდი, ჩემს ფულს გაძლევთ-მეთქი და თან სახელს არ ამბობდნენ ჩემსას. ამაზეც თანახმა ვიყავი. მე არც მინდოდა ჩემი სახელი ეთქვათ, გვიან, პოლიტიკაში შემოსულმა ვთქვი ეს ყველაფერი.