„რა აზრი აქვს „ჰეროკრატიას", ვანო მერაბიშვილის პატიმრობის გაგრძელებას და სხვათა დევნას, თუ ის თევზის თავი არ მოიჭრა, რომელიც ყარს!?" - წერს „პატრიოტთა ალიანსის" მაჟორიტარი დეპუტატობის კანდიდატი ლალი მოროშკინა სოციალურ ქსელში.

„ზუგდიდი „შემოგდებული" თემაა! ჩემო ძვირფასო მეგობრებო,

რაც უფრო ახლოვდება არჩევნები, უფრო იძაბება სიტუაცია!

ერთი, რაც უპირობოდ უნდა მოხდეს ამ ქვეყანაში, ეს არის ნაციონალურ-ფაშისტური რეჟიმის გასამართლება!

მესმის, რომ წნეხი დასავლეთიდან დიდია, რამაც განაპირობა სანდრა-ევა ბრაუნის მეორე ნომრად შეყვანა ნაციონალთა სიაში!

ის 100%-ით შედის საქართველოს პარლამენტში, იმიტომ რომ 100%-იანი გარანტია 6-7%-ზე პარლამენტში ნაციონალებს მიღებული აქვთ!

სამწუხაროა, რომ პროკურატურამ ვერ მოასწრო სანდრა-ევაზე სისხლის სამართლის საქმის აღძვრა, თუმცა, იქნებ ბოლო ორ კვირაში რამე შეიცვალოს?

მაშინ რა აზრი აქვს „ჰეროკრატიას", ვანო მერაბიშვილის პატიმრობის გაგრძელებას და სხვათა დევნას, თუ ის თევზის თავი არ მოიჭრა, რომელიც ყარს!?" - წერს ლალი მოროშკინა.