24 სექტემბერს, 15:00 საათზე, რუსთაველის თეატრის სამეჯლისო დარბაზში, კულტურისა და ძეგლთა დაცვის სამინისტროსა და თბილისის მერიის მხარდაჭერით, ჯემალ ღაღანიძის წიგნ-ალბომის  „ჩემი რუსთაველის თეატრი- ესა ვარ, რაცა ვარ..."  პრეზენტაცია გაიმართება.

წიგნი მსახიობის ავტობიოგრაფიულ ელემენტებს შეიცავს და მისი ცხოვრებისა და შემოქმედების სხვადასხვა მნიშვნელოვან ეტაპს წარმოაჩენს.

ჯემალ ღაღანიძის მოკლე ბიოგრაფია:

ჯემალ ღაღანიძე დაიბადა 1933 წელს.  დაამთავრა შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი. რუსთაველის თეატრის მსახიობია 1956 წლიდან.

რუსთაველის თეატრის სცენაზე განსახიერებული როლები:

ბატონი სიმო (ბ. ნუჩინი ,,ფილოსოფიის დოქტორი", რეჟისორი _ მ. თუმანიშვილი),

წიწოლა (დ. გაჩეჩილაძე ,,ბახტრიონი", ვაჟა-ფშაველას ნაწარმოებთა მოტივებზე, რეჟისორი _ დ. ალექსიძე),

ელგუჯა (გ. ხუხაშვილი ,,ზღვის შვილები", რეჟისორი _ მ. თუმანიშვილი),

მამუკა (ვ. კანდელაკი ,,ერთხელ დახოცილები", რეჟისორი _ ა. ჩხარტიშვილი),

ჩივერი (ა. მილერი ,,სეილემის პროცესი", რეჟისორი _ რ. სტურუა),

როზენკრანცი (შექსპირი ,,ჰამლეტი", რეჟისორი _ დ. ალექსიძე),

კაკული (გ. სუნდუკიანი,,პეპო", რეჟისორი _ დ. ალექსიძე),

ბ-ნი გიორგი (ნ. დუმბაძე ,,მზიანი ღამე", რეჟისორი _ რ. სტურუა),

არჩილ ფორია (ლ. ქიაჩელი ,,გვადი ბიგვა", რეჟისორი _ მ. თუმანიშვილი),

ფირუზა (ო. მამფორია ,,მეტეხის ჩრდილში", რეჟისორი _ გ. ლორთქიფანიძე),

ვაჭარი ტყუილკოტრიანცი (ა. ცაგარელი ,,ხანუმა", რეჟისორი _ რ. სტურუა),

ლავრენტი და მამამთილი (ბ. ბრეხტი ,,კავკასიური ცარცის წრე", რეჟისორი _ რ. სტურუა),

ტირელი (შექსპირი ,,რიჩარდ III", რეჟისორი _ რ. სტურუა),

კახელი, ქმარი (დ. ტურაშვილი ,,დიალოგები ორმოქმედებიანი პიესისათვის", რეჟისორი _ რ. სტურუა),

I ღმერთი (ბ. ბრეხტი ,,სეჩუანელი კეთილი ადამიანი", რეჟისორი _ რ. სტურუა),

II ალქაჯი (შექსპირი ,,მაკბეტი", რეჟისორი _ რ. სტურუა),

შალვა (რ. ჰარვუდი ,,მოხუცი ჯამბაზები", რეჟისორი _ გ. კაპანაძე),

ბენვოლიო (ნ. იორდანოვი ,,გონზაგოს მკვლელობა", რეჟისორი _ გ. გოშაძე),

გეურქა (ზ. ანტონოვი ,,მზის დაბნელება საქართველოში", რეჟისორი _ გ. კაპანაძე).

ჯონ კენტი (მ. ტვენი ,,უფლისწული და მათხოვარი'', რეჟისორი - ნიკოლოზ ჰაინე-შველიძე)

მონაწილეა სპექტაკლისა "ჯადოსნური ღამე".

მიღებული აქვს წოდებები და ჯილდოები:

1967 წ. - საქართველოს სსრ დამსახურებული არტისტი

1979 წ. - სსრკ სახელმწიფო პრემია

1980 წ. - საქართველოს სსრ სახალხო არტისტი

1998 წ. - ღირსების ორდენი

2007 წ. - იპოლიტე ხვიჩიას სახელობის პრიზი ,,იპო''

2009 წ. - კოტე მარჯანიშვილის სახელობის პრემია

2010 წ. - იპოლიტე ხვიჩიას სახელობის პრემია

2011 წელს რუსთაველის თეატრის წინ გაიხსნა ჯემალ ღაღანიძის „ვარსკვლავი"