„ქართული ოცნება - დემოკრატიული საქართველოს" მარნეულის ორი საარჩვენო ოლქის მაჟორიტარი დეპუტატობის კანდიდატები თამაზ ნავერიანი და რუსლან გაჯიევი მოსახლეობასთან შეხვედრებს განაგრძობენ.

„ქართული ოცნების" კანდიდატები ამჯერად სოფელ ყიზილაჯლოში იმყოფებოდნენ. მაჟორიტარი დეპუტატობის კანდიდატებმა მოსახლეობას თავიანთი საარჩევნო პროგრამა წარუდგინეს და იმ პროექტებზე ესაუბრნენ, რომლის განხორციელებასაც გეგმავენ. თამაზ ნავერიანმა და რუსლან გაჯიევმა ადგილობრივებს შეხვედრისთვის მადლობა გადაუხადეს და არჩევნებში აქტიურობისკენ მოუწოდეს.