„ყველა მოძალადეს პასუხი გაეცემა", - ასე მიმართა თბილისის სახელმწიფო უნივერსიტეტის რექტორმა გიორგი შარვაშიძემ „აუდიტორია 115"-ის სტუდენტებს შეხვედრაზე.

სტუდენტის შეკითხვაზე, „ვინ გამოიძახა უნივერსიტეტში პოლიცია და რატომ ძალადობდა დაცვა სტუდენტებზე?", შარვაშიძემ უპასუხა, რომ ჩხუბში ორივე მხარე იყო ჩართული და ამის გამო სათანადო პასუხი ყველას გაეცემა.

„ყველა მოძალადეს მოეთხოვება პასუხი, სტუდენტი იყო ის თუ არა. ორივე მხრიდან იყო ჩხუბი და ხელჩართული ბრძოლა", - განაცხადა გია შარვაშიძემ.