ყოფილმა პრემიერ-მინისტრმა ბიძინა ივანიშვილმა შიდა ქართლში რეგიონულ მედიასთან შეხვედრისას პატრიოტიზმზე ისაუბრა და აღნიშნა, რომ ძალიან ბევრი მაგალითია იმის, რომ ბევრს საკუთარი სამშობლო არ უყვარს.

„ის, რომ ვის უფრო მეტად უყვარს საკუთარი ქვეყანა - მე თუ მიხეილ სააკაშვილს და ვინ უფრო მეტი პატრიოტია, მინდა ვთქვა, რომ ყველას უყვარს თავისი ქვეყანა. თუ შენი ქვეყანა შენ არ გიყვარს, ეს დიდი პრობლემაა.

კაცს რომ თავისი ქვეყანა უყვარს, ეს ნორმალურია. ვინმეს რომ  შევეჯიბრო, ქვეყანა მე უფრო მიყვარს-თქო, ამას არ ვიკადრებ. ეს ჩვეულებრივი ადამიანის ნორმალური თვისებაა, მაგრამ ისეთები, რომლებსაც საუთარი ქვეყანა არ უყვართ, ამის ძალიან ბევრი მაგალითი გვაქვს", - აღნიშნა ბიძინა ივანიშვილმა.