თსუ-ს პირველ კორპუსთან სტუდენტები ერთმანეთს ფიზიკურად კიდევ ერთხელ დაუპირისპირდნენ. ამასთან, 6 პირს სახეზე ე.წ. ბენდენები აქვთ აფარებული. ისინი აგრესიული მოქმედებებით გამოირჩევიან, როგორც სტუდენტების, ისე მედიის წარმომადგენლების მისამართით.  

6 პირი, რომელსაც სახეზე ე.წ. ბენდენები აქვს, უნივერსიტეტის პირველ კორპუსში თსუ-ს დაცვის თანამშრომლებმა შეუშვეს. ისინი სტუდენტური თვითმმართველობის წევრებს შეუერთდნენ, რამდენიმე წუთის შემდეგ კი აქციის მონაწილე სტუდენტებს დაუპირისპირდნენ.

ამავე პირებმა აქციის ერთ-ერთ მონაწილე სტუდენტს ტელეფონი წაართვეს, მოგვიანდებით კი დააბრუნეს.