საკონსტიტუციო სასამართლოს მოსამართლემ მერაბ ტურავამ განაცხადა, რომ პლენუმის ფორმატში გადაწყვეტილებები ამ შემადგენლობით აღარ გამოცხადდება და საკონსტიტუციოს შენობა დატოვა.

მისი განცხადებით, ხვალ საკონსტიტუციო სასამართლოში გაიმართება სამუშაო შეხვედრები. დღის მეორე ნახევარში კი, შესაძლოა, მხოლოდ კოლეგიები შეიკრიბონ და გადაწყვეტილება გამოაცხადონ.

საკონსტიტუციოს შენობა ასევე დატოვა ოთარ სიჭინავამ. როგორც სიჭინავა ადასტურებს, ეს კოლეგია არ მიიღებს გადაწყვეტილებას ე.წ. გახმაურებულ საქმეებზე.

„მე გამოვიტანე პირადი ნივთები საკონსტიტუციოდან. ვფიქრობ, ძალიან კარგად ვიმუშავეთ. მართალია, კოლეგიის ყველა წევრს გვქონდა მზაობა, ე.წ. გახმაურებულ საქმეებზე გადაწყვეტილება მიგვეღო, გვქონდა ჩვენი გადაწყვეტილებები, თუმცა, ვერ შევჯერდით და ამიტომ სხვა კოლეგია მიიღებს გადაწყვეტილებას ამ საქმეებზე", - განაცხადა ოთარ სიჭინავამ.

პლენუმის გარდა ე.წ. გახმაურებულო საქმეებიდან ორ საქმეს პირველი კოლეგია განიხილავს. პირველი კოლეგია „რუსთავი 2"-ის ორ საქმეზე რამდენიმე თვეა თათბირობს.

ამ დრომდე უცნობია, ხვალ პირველი კოლეგია გამოაცხადებს თუ არა „რუსთავი 2"-ის საქმეებზე გადაწყვეტილებას.

წყარო :