თსუ-ს რექტორმა ლადო პაპავამ ლექტორებთან და პროფესორებთან შეხვედრისას განაცხადა, რომ წინასაარჩევნო პერიოდში ყველას აქვს დაინტერესება, პოლიტიკური პროცესები მართოს და ამისთვის გამოიყენოს უნივერსიტეტი. პაპავას თქმით, აქედან გამომდინარე, ის აცნობიერებს სიტუაციას და გამწვავების თავიდან ასაცილებლად რექტორის თანამდებობიდან გადადგომას არ აპირებს.

„აშკარად ჩანს, რომ გარკვეული ძალების მხრიდან არის მართული პროცესები, რაც საბოლოოდ უნივერსიტეტს სავალალო შედეგებამდე მიიყვანს", - აღნიშნა ლადო პაპავამ.