ზუგდიდის რაიონის სოფელ დიდინეძში „ქართული ოცნების" ახალგაზრდული ორგანიზაციის წევრების ფიზიკურ შეურაცხყოფაში ბრალდებული „ნაციონალური მოძრაობის"  შტაბის ხელმძღვანელი პაპუნა კუკავა და მისი მეზობელი მანუჩარ ქირია პოლიციაში არიან გადაყვანილი.

„ქართული ოცნების" ახალგაზრდული ფრთის წევრები სოფელ დიდინეძში მაშინ სცემეს, როდესაც ისინი სოფელში ფლაერებს არიგებდნენ. ფიზიკური შეურაცხყოფა მიაყენეს გოგონებსაც. სამი მათგანი საავადმყოფოშია გადაყვანილი.

როგორც  თვითმხილველები ყვებიან,  პირები, რომლებმაც  ახალგაზრდები ცემეს, „ნაციონალური მოძრაობიდან"  საკრებუბლოს წევრთან, კახა ქირიასთან ერთად ნახეს.