„ჩემთვის სრული შოკი იყო, როდესაც ვიხილე ჩანაწერი საქალაქო სასამართლოს ყოფილ თავმჯდომარესა და ნიკა გვარამიას შორის", - ამის შესახებ „უფლებადამცველთა გაერთიანების" თავმჯდომარემ ნიკოლოზ მჟავანაძემ „პრიორიტეტების" ეთერში განაცხადა.

მისი თქმით, ეს ჩანაწერი საფუძველი უნდა გახდეს იმისა, რომ აღიძრას სისხლის სამართლის საქმე და დაიწყოს გამოძიება.

„ადამიანები აღსარებას აბარებენ სასულიერო პირებს, მაგრამ როგორც ჩანს, საქართველოში პოლიტიკოსები და პოლიტიკასთან დაახლოებული პირები ნიკა გვარამიას აბარებენ აღსარებას. რა უბედურებაა ეს?!", - განაცხადა მჟავანაძემ.