რუსეთის საგარეო საქმეთა სამინისტროს მიერ გავრცელებული ინფორმაციით, სირიის დედაქალაქ დამასკოში მდებარე რუსეთის საელჩო ნაღმტყორცნებით დაცხრილეს.

უწყების ცნობით, მომხდარის შედეგად არავინ დაშავებულა. ერთ-ერთი ნაღმი საელჩოს ტერიტორიაზე, საცხოვრებელ კომპლექსთან აფეთქდა, კიდევ ორი კი - დიპლომატიური მისიის სიახლოვეს.

რუსეთის საგარეო საქმეთა სამინისტროს ცნობით, სროლა გახსნეს დამასკოსთან მდებარე დასახლებულ პუნქტ ჯობარიდან, რომელსაც ამჟამად ორი ექსტრემისტული დაჯგუფება აკონტროლებს.