logo_geo
eng_logo
პროკურატურა ირაკლი ოქრუაშვილისთვის ცეცხლის გახსნის საქმეზე ბრალდებულისთვის პატიმრობის შეფარდებას ითხოვს
- +

5 ოქტომბერი. 2016. 11:43



მთავარი პროკურატურა ირაკლი ოქრუაშვილისთვის ცეცხლის გახსნის საქმეზე ბრალდებულ ალექსანდრე ინდუაშვილისთვის აღკვეთის ღონისძიების სახით პატიმრობის შეფარდების შუამდგომლობით მიმართავს. ამის შესახებ „ინტერპრესნიუსს" პროკურატურაში განუცხადეს.



ალექსანდრე ინდუაშვილისთვის აღკვეთის ღონისძების შეფარდების საკითხზე სასამართლო სხდომა შესაძლოა, დღესვე გაიმართოს.



ალექსანდრე ინდუაშვილი, რომელიც ოქრუაშვილის საარჩევნო კომპანიის დროს ცეცხლის გახსნაშია ბრალდებული, პოლიციას გუშინ ჩაბარდა.



გორში, მაჟორიტარი დეპუტატობის კანდიდატს, თავდაცვის ექს-მინისტრ ირაკლი ოქრუაშვილს 2 ოქტომბერს, ამომრჩევლებთან შეხვედრის დროს ცეცხლი გაუხსნეს. როგორც ოქრუაშვილმა განაცხადა, ამომრჩევლებს თანმხლებ პირებთან ერთად რკინიგზის სადგურის დასახლებაში ხვდებოდა, როდესაც მისი მიმართულებით ერთ-ერთმა ადგილობრივმა ცეცხლსასროლი იარაღიდან რამდენჯერმე გაისროლა. დაიჭრა ირაკლი ოქრუაშვილის თანმხლები ორი ადამიანი.




 

წყარო : wyaro
right_banner right_banner
არქივი
right_banner