საქართველოს მთავარი  პროკურორის ირაკლი შოთაძის განცხადებით პროკურატურაში გადმოგზავნილ ფაილებში პირადი ხასიათის ინტიმური ჩანაწერები არ შედიოდა. ამის შესახებ შოთაძემ ჟურნალისტებთან საუბარში განაცხადა:

„პირადი ხასიათის ინტიმური ჩანაწერები ამ ფაილებში არ შედიოდა. ჩვენთან გადმოიგზავნა სხვა ხასიათის ჩანაწერები. ამ ფაილებზე მიმდინარეობს ინტენსიური საგამოძიებო მოქმედებები. მოცულობიდან გამომდინარე ამ ფაილების ანალიზს, დათვალიერებას და ექსპერტიზას სჭირდებოდა შესაბამისი დრო, თუმცა გამოძიება დასკვნით ეტაპზეა და შედეგების შესახებ საზოგადოებას დამატებით ვაცნობებთ. ეს ის ფაილებია, რომლებიც არ განადგურდა და ჩვენთან გამოიგზავნა", - განაცხადა პროკურორმა.