Forbes: საქართველო რეგიონის ენერგეტიკულ და სატრანსპორტო ცენტრად ყალიბდება

- +

7 ოქტომბერი. 2016. 17:14

ამერიკული გამოცემა, Forbes საქართველოს შესახებ რიჩარდ ვეიცის სტატიას ამ სათაურით აქვეყნებს - „საქართველო - ამერიკის სტრატეგიული პარტნიორი".

„ბიზნესპრესნიუსის" ინფორმაციით, სტატიაში რიჩარდ ვეიცი აღნიშნავს, რომ საქართველოს ეკონომიკური მიღწევები აღტაცებას იმსახურებს. ავტორის თქმით, ქართველებმა დიდ პროგრესს მიაღწიეს სავაჭრო რეგულაციებისა და ბიუროკრატიული ბარიერების შემცირების, კორუფციისა და ორგანიზებული დანაშაულის შეცირებისა და პირდაპირი უცხოური ინვესტიციების მოზიდვის მხრივ.

„მართალია, საქართველოში არის ისეთი ბუნებრივი რესურსების ნაკლებობა, როგორიცაა ნავთობი და გაზი, მაგრამ ინფრასტრუქტურის ინტენსიური მოდერნიზაციის პროგრამის წყალობით, ქვეყანა რეგიონის ენერგეტიკულ და სატრანსპორტო ცენტრად ყალიბდება. ევროპისთვის კასპიის ზღვის რეგიონის ენერგორესურსების მისაწოდებლად ცენტრალური აზიის გავლით გაყვანილია მილსადენები, რკინიგზის ხაზები და საავტომობილო გზები. 2014 წელს საქართველოსა და ევროკავშირს შორის გაფორმდა ასოცირების ხელშეკრულება, მიმდინარე წლის ზაფხულში კი ძალაში შევიდა ღრმა და ყოვლისმომცველი თავისუფალი სავაჭრო სივრცე", - ნათქვამია სტატიაში.