სოციოლოგი ზურაბ ბიგვავა აცხადებს, რომ „ნაციონალური მოძრაობა" ხვალ საბოლოოდ დამარცხდება, რადგან მათ საზოგადოების მხარდაჭერა აღარ აქვთ.  ამის შესახებ მან „მაესტროს" ეთერში ისაუბრა.

„საარჩევნო კამპანია ძალიან მშვიდად ჩატარდა, თუ არ ჩავთვლით ბოლო ხანებში მომხდარ ფაქტებს. ხვალ ვიქნებით მოწმე, იმისა, რომ „ნაციონალური მოძრაობა" საბოლოოდ წააგებს არჩევნებს. ჩვენ მივიღებთ პროგრესულ შედეგს.

გუშინდელ აქციას რაც შეეხება, გუშინდელმა კადრებმა ცხადყო, რომ ისინი არც მატერიარულ რესურსს იშურებენ აქციაზე ბევრი ხალხის მისაყვანად. იქ მე მოტივირებული ამომრჩეველი ვერ დავინახე", - განაცხადა ბიგვავამ.