შეკვეთილში 5-ვარსკვლავიანი სასტუმროს მშენებლობის ძირითადი სამუშაოები დასრულდა. როგორც ფონდი „ქართუ"-ს განცხადებაშია ნათქვამი, სასტუმროში იქნება 220 ნომერი, განთავსდება ბავშვთა გასართობი ცენტრი, წყლის გიგანტური ტოპოგანი, სპორტული მოედნები, კინოთეატრი და კეთილმოწყობილი სასეირნო ბილიკები.

„სასტუმროში იქნება 220 ნომერი ხედით ზღვაზე, აკვარიუმი, ზღვაში 150 მ-ზე შეჭრილი აუზი, ღია და დახურული საცურაო აუზები, ზამთრის ბაღი და თემატური რესტორნები. ასევე ხელმისაწვდომი იქნება სპა და მაგნიტური ქვიშის პროცედურები. სასტუმროში განთავსდება ბავშვთა გასართობი ცენტრი, წყლის გიგანტური ტოპოგანი, სპორტული მოედნები, კინოთეატრი და კეთილმოწყობილი სასეირნო ბილიკები", - ნათქვამია ფონდის ინფორმაციაში.

ფონდის ცნობით, მსგავსად ფონდის ყველა პროექტისა, შეკვეთილის სასტუმრო და სპა კომპლექსშიც განსაკუთრებული ყურადღება ექცევა შეზღუდული შესაძლებლობების მქონე პირებისათვის ინფრასტრუქტურის მოწყობას. პროექტის ფარგლებში, Marriott-ის უმაღლესი კატეგორიის საერთაშორისო ბრენდის Autograph Collection-ის მიერ უზრუნველყოფილი იქნება მომსახურების უმაღლესი დონე.

საქართველოს ტურიზმის განვითარების ფონდის პრეზენტაცია 2016 წლის 4 ოქტომბერს გაიმართა.

„საქართველოს თანაინვესტირების ფონდმა ქვეყანაში ტურისტული ინფრასტრუქტურის გასავითარებლად დააფუძნა საქართველოს ტურიზმის განვითარების ფონდი, რომელიც 680 მლნ ამერიკული დოლარის ინვესტიციას ახორციელებს 8 მასშტაბური პროექტის ფარგლებში, თბილისში, გურიაში, აჭარასა და სამეგრელოში. ამ პროექტებიდან სამ კომპლექსში (სასტუმრო თავისუფლების მოედანზე, სასტუმრო სოლოლაკი და შეკვეთილის სასტუმრო და სპა კომპლექსი) უკვე შემოსულია "მარიოტის" საერთაშორისო ქსელის უმაღლესი კატეგორიის ბრენდი "Autograph Collection". 8 პროექტი განვითარების სხვადასხვა ეტაპზეა და დღეისთვის მათში ჯამურად ინვესტირებულია 259 მლნ ლარი. ამ კომპლექსების მშენებლობების პროცესში ჯამურად საქმდება 20 000 ადამიანზე მეტი, ხოლო კომპლექსების ამოქმედების შემდეგ მუდმივად დასაქმებულთა რიცხვი გაუტოლდება 2 500 ადამიანს", -ნათქვამია ფონდის ინფორმაციაში.