ფარული ჩანაწერების შენახვა-გავრცელების საქმეზე დაკავებულებს აღკვეთის ღონისძიების სახით წინასწარი პატიმრობა შეეფარდათ.

პროცესზე პროკურატურამ ბრალდებულებისთვის აღკვეთის ღონისძიების სახით პატიმრობის, დაცვის მხარემ კი გირაოს შეფარდების შუამდგომლობა დააყენა.

პროცესი 2 საათის განმავლობაში, დახურულ ფორმატში მიმდინარეობდა. პროკურორმა ლაშა კოტრიკაძემ სხდომის დახურვის შუამდგომლობა დააყენა, რადგან პროცესზე პირადი ცხოვრების შემცველი ინფორმაცია უნდა განხილულიყო.