გაერო-ს ახალი გენერალურმა მდივანმა ანტონიუ გუტიერეშმა ტელეკომპანია „BBC"-სთვის მიცემულ ინტერვიუში განაცხადა, რომ მისი მთავარი ამოცანა აღნიშნულ თანამდებობაზე სირიაში სამხედრო კონფლიქტის დასრულება იქნება.

„ჩემი მოსაზრებით, საერთაშორისო საზოგადოებისთვის ამ კონფლიქტის დასრულება მთავარი პრიორიტეტია", - განაცხადა ანტონიუ გუტიერეშმა.

ანტონიუ გუტიერეში გაერო-ს გენერალური მდივნის უფლებამოსილების შესრულებას ოფიციალურად 2017 წლის 1 იანვრიდან დაიწყებს.

67 წლის გუტიერეში 1995-2002 წლებში პორტუგალიის პრემიერ-მინისტრის პოსტს იკავებდა, 2005-2015 წლებში კი იყო გაერო-ს უმაღლესი კომისარი ლტოლვილთა საკითხებში.