გაეროს გენერალურმა მდივანმა პან გი მუნმა ქარიშხალ „მეთიუსგან" დაზარალებული ჰაიტი მოინახულა. მან შეშფოთება გამოთქვა სტიქიის მიერ გამოწვეული ზარალის გამო და მწუხარება გამოხატა ჰუმანიტარული დახმარების სიმცირით.

ქალაქ ლე-კაიეს მოსახლეობასთან შეხვედრისას პან გი მუნმა განაცხადა, რომ გაერო ყველა რესურსის მობილიზებას მოახდენს, რათა სტიქიით დაზარალებულებს დაეხმაროს.

ქარიშხალი „მეთიუ" ჰაიტის ოქტომბრის დასაწყისში დაატყდა თავს. ამ დროისთვის არსებული მონაცემებით, სტიქიას 900 ადამიანის სიცოცხლე ემსხვერპლა, ათობით ათასი ადამიანი უსახლკაროდ დარჩა, მილიონზე მეტი ადამიანი ჰუმანიტარულ დახმარებას საჭიროებს.