რუსეთის პრეზიდენტის ვლადიმირ პუტინისთვის სიახლეს არ წარმოადგენს ის ფაქტი, რომ აშშ-ს ოფიციალური უწყებები ყველას უსმენენ და უთვალთვალებენ.

„ჩვენი ამერიკელი მეგობრებისგან ყველაფერია მოსალოდნელი. ჯო ბაიდენს ახალი არაფერი უთქვამს. ჩვენ რა, არ ვიცოდით, რომ აშშ-ს ოფიციალური ორგანოები ყველას და ყველაფერს უთვალთვალებენ და უსმენენ?", - განაცხადა ვლადიმირ პუტინმა.

მისი თქმით, ამერიკის ასეთი ქმედებები ყველასთვის კარგად არის ცნობილი და საიდუმლოს არ წარმოადგენს და ამის დამადასტურებელი ფაქტი უამრავია.

პუტინის განცხადებით, ამაზე იხარჯება მილიარდობით დოლარი. მისი თქმით, უთვალთვალებენ არა მხოლოდ მათ პოტენციურ მოწინააღმდეგეებს, არამედ მოკავშირეებსაც, მათ შორის ყველაზე ახლო მოკავშირეებსაც.