- +

„ჯორჯიან თაიმსის" და „გორბის" იდეამ, 1995 წლიდან დღემდე,  დროის გამოცდას გაუძლო, მოიხვეჭა და შეინარჩუნა ნდობა, სტატუსი, პოპულარობა, აკადემიურობა, რეპუტაცია და  თავისი არსებობით დაამტკიცა, რომ არ შეცდა ინიციატივაში,  დაეჭირა მხარი და პოპულარიზაცია გაეწია ახლადფეხადგმული  ეროვნული ბიზნესისათვის.

„ჯორჯიან თაიმსისა" და „გორბის" ერთობლივი ბიზნეს-დაჯილდოება  მეწარმეებს, ბიზნესმენებს, დიპლომატიური კორპუსის, მოწინავე ბიზნესის,  მედიისა და ხელისუფლების წარმომადგენლებს 2016 წლის ნოემბერში უკვე მეჩვიდმეტედ, კვლავ ერთად შეკრებს. ამისათვის კი მზადება უკვე დაწყებულია.

ბიზნეს-რეიტინგის ღონისძიების ფარგლებში წელს სიახლეა: პირველად საქართველოში ჩატარდება ინვესტორთა დაჯილდოება Investment Awards, რომლის მიზანია წარმოაჩინოს და პოპულარიზაცია გაუწიოს ინვესტორებს, საინვესტიციო პროექტებს, რომლებიც უკვე განხორციელდა, ან მიმდინარეა და ჯერ არ დასრულებულა.

 მედიაჰოლდინგ „Georgian Times"-სა და საზოგადოებრივი აზრისა და მარკეტინგული კვლევების კომპანია „GORBI"-ს 21 წლიანი თანამშრომლობა აკავშირებს.

 როგორც ყოველთვის, „ჯორჯიან თაიმსისა" და „გორბის" ერთობლივ ტრადიციულ  მე-17  ბიზნეს-რეიტინგში  2015 - 2016 წ. საქართველოს საუკეთესო კომპანიები და ბიზნესმენები გამოვლინდებიან.

 პროექტის მიზანია:  ეროვნულ ბიზნესში ყველაზე წარმატებული დარგების განსაზღვრა, დიალოგის მხარდაჭერა ბიზნესს, ხელისუფლებასა და საზოგადოებას შორის. ქართული ბიზნესის ახალი იმიჯის ჩამოყალიბება, ახალი პერსპექტიული კომპანიების წარმოჩენა და, რაც მთავარია, ქართული ბიზნესის მიმართ მსოფლიო ბიზნეს-საზოგადოების ყურადღების მიპყრობა. ბიზნეს-რეიტინგის წვლილს  არა მხოლოდ საქმიანი, არამედ პოლიტიკური სამყაროც აღიარებს.

სულ მალე „ჯორჯიან თაიმსის" რიგით მე-17 ბიზნეს-რეიტინგის ფარგლებში გამოვლინდება 30 საუკეთესო კომპანია/ბიზნესმენი და  საუკეთესოთა შორის საუკეთესოს, გრან-პრის მფლობელს, ღონისძიების დღეს, რეიტინგში მონაწილე კომპანიები კენჭისყრის საფუძველზე  თავად დაასახელებენ.

ცერემონიაზე სხვადასხვა ნომინაციებში გამოვლენილი ბიზნესმენები სამკერდე ოქროს ჯვრით დაჯილდოვდებიან, საუკეთესოთა შორის საუკეთესოს გადაეცემა გრან-პრი, ბიზნესის ეროვნული ჯილდო, ხელნაკეთი და ექსკლუზიური კომპოზიცია „ბოლნური ჯვარი", რომელიც დამზადებულია ძვირფასი ლითონებისგან: ოქრო (31,5გრ) ვერცხლი (12გრამი), ბრილიანტი (1 ცალი), ლურჯი საფირონი (1ცალი), ფირუზი (4 ცალი), ცირკონი (2 ცალი), მწვანე ძოწი (2 ცალი).

რადგანაც წელს საარჩევნო წელია, პროექტი განსაკუთრებული მობილიზებით კეთდება და დაჯილდოების ცერემონია შემოდგომაზე გაიმართება.

წლების მანძილზე პროექტის მხარდამჭერები იყვნენ: 

1.      თბილისის მერია

2.      ეკონომიკის სამინისტრო

3.      ფინანსთა სამინისტრო

4.      სოფლის მეურნეობის სამინისტრო

5.      ენერგეტიკის სამინისტრო

6.      თანაინვესტირების ფონდი

7.      საქართველოს სავაჭრო სამრეწველო პალატა

8.      საერთაშორისო სავაჭრო პალატა საქართველოში

9.      საქართველოს საპარტნიორო ფონდი

10.  ინვესტინგ ჯორჯია

11.  საქართველოს ბიზნესომბუდსმენი

 პროექტის მედია მხარდამჭერები არიან:

1.      ტელეკომპანია „დრო"

2.      „საზოგადოებრივი მაუწყებელი"

3.      ტელეკომპანია „რუსთვი 2"

4.      „ტელეიმედი"

5.      ტელეკომპანია „იბერია"

6.      ტელეკომპანია „მაესტრო"

7.      „TV პირველი"

8.      ტელეკომპანია „ობიექტივი"

9.      TV „აფხაზეთის ხმა"

10.  „საფერავი TV"

11.  ტელეკომპანია „მუზიკბოქსი"

12.  გადაცემა „ბიზნესკონტრაქტი"

13.  გადაცემა „საქმიანი დილა"

14.  რადიო „ფორტუნა"

15.  ავტორადიო

16.  ონლაინ გაზეთი www.geotimes.ge

17.  ბიზნეს პორტალი www.award.com.ge

18.  საინფორმაციო სააგენტო www.for.ge

19.  საინფორმაციო სააგენტო www.georgianpress.ge

20.  საინფორმაციო პორტალი www.1news.ge

21.  პორტალი www.kvira.ge

22.  საინფორმაციო სააგენტო www.reportiori.ge

23.  ინგლისურენოვანი გაზეთი „The Georgian Times"

24.  ინგლისურიენოვანი გაზეთი „Caucasian Business Week"

25.  ინგლისურენოვანი გაზეთი „Georgia Today"

26.  გაზეთი „პრაიმტაიმი"

27.  ჟურნალი „თბილისელები"

28.  გაზეთი „სვობოდნაია გრუზია"

29.  გაზეთი „ვერსია".

30.  გაზეთი „ქართული სიტყვა"

31.  ჟურნალი „Forbes Georgia"

 

წლების მანძილზე  ბიზნეს-რეიტინგში გამარჯვებული კომპანიები და ბიზნესმენები გახლდნენ:

1.       TBC  ჯგუფი - მამუკა ხაზარაძე

2.       „კოკა კოლა ბოთლერს ჯორჯია" - თემურ ჭყონია

3.       „ყაზბეგი" - გოგი თოფაძე

4.       „ყაზბეგი კასტელი" - გოგი თოფაძე

5.       GWS  - ლევან გაჩეჩილაძე

6.       შპს „სამგორი 94" - ავთო წერეთელი

7.       შპს „თბილავიამშენი" - პანტიკო თორდია

8.       TBC ბანკი - ვახტანგ ბუცხრიკიძე

9.       გაერთიანებული ქართული ბანკი - ვანო ჩხარტიშვილი

10.    შპს „სამგორი 94"  - ავთო წერეთელი

11.    „ჯეოსელი" -  ოსმან თურანი

12.    „ჯეოსელი" - ოსმან თურანი

13.    „ჯეოსელი" - ოსმან თურანი და „საქართველოს ბანკი" - ირაკლი გილაური

14.    „სოკარ ენერჯი ჯორჯია" - მაჰირ მამედოვი

15.    „საქართველოს ბანკი" - ირაკლი გილაური

16.    „ვისოლ ჯგუფი" - სოსო ფხაკაძე             

გასულ წელს, „ჯორჯიან თაიმსისა" და „გორბის" ერთობლივი ბიზნეს რეიტინგის რიგით მე-17 დაჯილდოებაზე გამარჯვება სოსო ფხაკაძემ და „ვისოლ ჯგუფმა" მოიპოვა.

საუკეთესო კომპანიებისა და ბიზნესმენების გამოვლენაში დამოუკიდებელი ექსპერტები, ეკონომიკური პროფილის უწყებათა ხელმძღვანელები, ეკონომიკური პროფილის ჟურნალისტები, კონსალტინგური კომპანიის, არასამთავრობო ორგანიზაციების, ფონდების,სოციოლოგიური კვლევების სამსახურები იღებენ მონაწილეობას.

 კვლევა ტარდება ფინანსთა სამინისტროს მიერ მოწოდებულ სიაზე დაყრდნობით, რომელთაც საქართველოს ბიუჯეტში 1 000 000 ((ერთი მილიონი დოლარის ეკვივალენტი ლარში) და მეტი შეაქვთ. ჩვენმა კომპეტენტურმა ჟიურიმ კი მათგან საუკეთესოთა შორის საუკეთესონი გამოავლინა.

 კომპანიების შეფასდნენ  შემდეგი კრიტერიუმებით:

 

 მეწარმეთა ინტერესების დაცვა, საზოგადოებრივი იმიჯი, ქველმოქმედება/მეცენატობა, სარეკლამო კამპანიის ეფექტურობა, ახალი სამუშაო ადგილები, საქმიანობის სტაბილურობა,  სოციალური კორპორატიული პასუხისმგებლობა, კომპანიის ზრდა/წარმატებულობა, აღიარება საზღვარგარეთ, საზოგადოებასთან ურთიერთობა, ეფექტური მარკეტინგი, ფინანსური გამჭვირვალეობა, საინვესტიციო მიმზიდველობა. ინოვაციური პროექტები, გუნდის პროფესიონალიზმი, მცირე და საშუალო ბიზნესის ხელშეწყობა, მუდმივი პროგრესი და ახალი ტექნოლოგიები, ხარისხის გარანტი.

ტრადიციულად ბიზნეს-რეიტინგის საზეიმო გალა ვახშამს საკანონმდებლო, აღმასრულებელი, ხელისუფლების წევრები, ბიზნესმენები, არასამთავრობო ორგანიზაციების, ინტელიგენციის, დიპლომატიური კორპუსის,ადგილობრივი და უცხოური მასმედიის წარმომადგენლები დაესწრებიან.

აღსანიშნავია ის გარემოება, რომ სხვადასხვა კომპანიებმა, დაინახეს რა, ბიზნეს რეიტინგის იდეის წარმატება და საინტერესო შინაარსი,  სარფიან, სასარგებლო და საიმიჯო პროექტად აღიქვეს. გამომდინარე აქედან, მათ გაუჩნდათ სურვილი, თავადაც გამართონ მსგავსი ტიპის დაჯილდოებები, (ამ შემთხვევაში, „ჯორჯიან თაიმსი" კონკრეტიკისგან თავს შეიკავებს) თუმცა, სამწუხაროდ, პლაგიატის ავტორები ვერ ახერხებენ, მაღალი დონის, ხარისხისა და ობიექტურობაზე დამყარებული დაჯილდოების ორგანიზებას. ისინი მზად არიან, ნებისმიერი მონაწილეობის მსურველი კომპანია ჩართონ პროექტში და დააჯილდოვონ.

„ჯორჯიან თაიმსის" მიერ ორგანზებული ბიზნეს რეიტინგის უპირატესობა კი იმაში მდგომარეობს, რომ მასში მონაწილე ბიზნესმენებისა და ბიზნესკომპანიების შერჩევის პროცესი პრინციპულ კრიტერიუმებსა და ობიექტურ კვლევაზეა დამყარებული. საუკეთესოთა შორის საუკეთესო, გრან-პრის მფლობელი კომპანიის გამოვლენა კი უშუალოდ რეიტინგის მიმდინარეობისას, სრულიად გამჭირვალედ ხდება და ბიზნესმენები თავად ირჩევენ მათ შორის საუკეთესოს.

ზემოაღნიშნულს მოწმობს რიგით მე-15 ბიზნეს-დაჯილდოების შემთხვევა, როდესაც ბიზნესმენებმა მათ შორის საუკეთესოდ სწორედ ის კომპანია დაასახელეს, რომლის წარმომადგენლებიც ღონისძიებას არ ესწრებოდნენ. საუბარია „საქართველოს ბანკზე", რომელიც „ჯორჯიან თაიმსის" ბიზნეს-რეიტინგის გამარჯვებული რამდენჯერმე გახდა.

„ჯორჯიან თაიმსის" ბიზნეს-რეიტინგი სამთავრობო დონისა და ხარისხის პროექტია, რომელსაც ყოველთვის ესწრებიან მთავრობის, ბიზნეს სექტორის, სავაჭრო პალატისა და დიპლომატიური კორპუსის წარმომადგენლები, რაც მის სახელმწიფო მნიშვნელობას კიდევ უფრო მეტად უსვამს ხაზს.

მიუხედავად ყველაფრისა, საზოგადოება და თავად ბიზნესმენები კარგად ხედავენ ბიზნეს რეიტინგის მთავარ ღირსებებსა და უპირატესობას და არჩევანს ყოველთვის იმ კრიტერიუმებსა და პრინციპებზე აკეთებენ, რომლებსაც ჩვენ ვემსახურებით.