„ქართული ოცნების" მაჟორიტარობის კანდიდატი თამაზ ნავერიანი სკანდალურ ინფორმაციას ავრცელებს. როგორც მან „კვირის პალიტრას" განუცხადა, მარნეულში ადგილობრივ მოსახლეობას ყურანზე აფიცებინებენ, რომ მეორე ტურში ხმას „ქართულ ოცნებას" არ მისცემენ.
რაც შეეხება არჩევნების დღეს მომხდარ ინციდენტს, „ქართული ოცნების" კანდიდატი მომხდარს „ნაცმოძრაობას" აბრალებს.
„დაპირისპირებაში ჩვენი არც ერთი აქტივისტი არ მონაწილეობდა, კენჭიც არ გვისვრია. პირველი ტურის ასე დამთავრების შემდეგ მარნეულის მოსახლეობას ყურანზე აფიცებენ, რომ ხმას "ოცნებას" არ მისცემენ. ყველა ნიუანსი მიანიშნებს, რომ არეულობა "ნაციონალების" პროვოცირებული იყო. "ნაციონალების" კანდიდატი უბანში 20 წუთით ადრე გამოჩნდა. იგი ხალხს აგროვებდა. ამის შემდეგ დაიწყო აყალმაყალი" - აცხადებს ნავერიანი.