ლექტორი ზაზა სიამაშვილი „ქართული ოცნება- დემოკრატიული საქართველოს" მაჟორიტარი დეპუტატობის კანდიდატის ზაზა პაპუაშვილის ფოტოს სოციალურ ქსელში აქვეყნებს და წერს:

„ბედნიერებაა როცა ასეთ კაცს იცნობ. ბედნიერებაა, როცა ასეთი კაცი შენი მეგობარია. ბედნიერებაა, როცა ამ კაცთან 35 წელი გაკავშირებს და არასდროს, არასდროს არ გაყოფილა იდეები, ცხოვრებისეული ფასეულობანი, დამოკიდებულება მოვლენების მიმართ... ასეთ კაცს, რომ სცენაზე უცქერ, ასეთ კაცს რომ პარლამენტში უსმენ, ასეთ კაცს რომ ზოგადად უსმენ... მადლობა უფალო, რომ ასეთი „ჯიგარი" ჩემი მეგობარია და მთელი საქართველოს უღალატო შვილი... ამდენი ბედნიერებისთვის მიაგე ყველა სიკეთე, ხელი გაუმართე და დამილოცე! ზაზიკო, გილოცავ ძამიკო... მადლობა, რომ ხარ!"