17 მარტი - გალაკტიონ ტაბიძის გარდაცვალების დღე.

გთავაზობთ ნოდარ დუმბაძის სიტყვებს:

საავადმყოფოს მეოთხე სართულიდან გადმოიქცა. ზოგს ეგონა, რომ თავი მოიკლა. ზოგს ეგონა, რომ მან ექსტაზში მყოფმა, მოუფიქრებელი ნაბიჯი გადადგა. ზოგს ეგონა, იგი აგონიაში მყოფი გადმოვარდა,ზოგს კიდევ რა და ზოგს კიდევ რა...

სინამდვილეში, აი, რა მოხდა - გალაკტიონი პარნასზე ავიდა, მან უზენაესი მწვერვალი დაიპყრო. მისთვის არც წერაყინს, არც წრიაპს, არც ბაწარს არ უღალატია. იგი დიდი ხნის წინ ავიდა ამ მწვერვალზე და რადგან გენიოსები დაპყრობილი მწვერვალებიდან უკან აღარ ბრუნდებიან, ყოველივე ის, რაც მას აღარ სჭირდებოდა და ხელს უშლიდა, მწვერვალიდან დაბლა გადმოყარა, თავად კი დარჩა სწორთა მარადიულ სამყოფელში.

ნოდარ დუმბაძე