ჟურნალ „მამულის" რედაქტორ-გამომცემელი შეერთებულ შტატებში მანუჩარ კაჭახიძე სოციალურ ქსელში „ქერის უბნის" შემოქმედებით ჯგუფთან დაკავშირებით წერს და ნიკოლოზ რაჭველს მიმართავს:

„წესით, ნორმალურ ქვეყანაში, კომპოზიტორ ალექსანდრე რაქვიაშვილის ოჯახი სასამართლოში უნდა უჩიოდეს „ქერის უბნის" შემოქმედებით ჯგუფს ფილმ „ფესვების" მელოდიის ასეთი გაუპატიურებისათვის. არის რაღაც სიწმინდეები, რასაც ხელი არ უნდა მოკიდო, თუნდაც ლაღი იუმორი იყოს ეს.

ყველაზე მეტად საწყენი ჩვენი ქვეყნის მუსიკოსების დუმილი იქნება ამ თავხედობაზე.

ვიცი, ნიკოლოზ რაჭველი, ამას გულთან მიიტან.

მიცვალებულს რომ თავის დაცვა არ შეუძლია, ამიტომ ვართ ცოცხლები."