დღეს სოფელ გლდანში რეაბილიტირებულ კულა გლდანელის სახელობის საჭიდაო დარბაზში ამხანაგური შეხვედრები ჭიდაობაში გაიმართა. ღონისძიებას ესწრებოდა ქართული ჭიდაობის ფედერაციის პრეზიდენტი გოჩა ბერუაშვილი, რომელმაც დიდი მადლობა გადაუხადა ყველას, ვინც ღონისძიებას ესწრებოდა.

„დღევანდელი ღონისძიება ქართველი ფალავნებისა და ვეტერნების მონდომებით ჩატარდა. მართლაც ძალიან სერიოზული ღონისძიებაა. საქართველოს 15 ქალაქიდან არიან ჩამოსულები მოჭიდავეები. აქ არიან მსოფლიოს პრიზიორები, ევროპის ჩემპიონები, საქართველოს ჩემპიონები და ძალიან კარგი შეჯიბრი ტარდება. დიდი მადლობა მინდა გადავუხადო კობა კობალაძეს, ლევან კობიაშვილს და ყველას, ვინც ამ ღონისძიებას დაესწრო", - განაცხადა გოჩა ბერუაშვილმა.