„ნაციონალური მოძრაობის" ერთ-ერთი დამფუძნებელი მირიან მირიანაშვილი  ადასტურებს ინფორმაციას, რომ  ყოფილი მმართველი გუნდი მართლაც აპირებდა საპარლამენტო გადატრიალებას. მირიანაშვილმა ამის შესახებ „ახალ თაობასთან" ისაუბრა.

„ნაცმოძრაობა" მართლაც ცდილობდა საპარლამენტო გადატრიალებას და ახალი უმრავლესობის შექმნას, რომლითაც „ქართული ოცნება" უმცირესობაში დარჩებოდა. „ნაციონალებთან" ერთად უნდა ყოფილიყვნენ „თავისუფალი დემოკრატები", „ეროვნული ფორუმი" და „რესპუბლიკელები". გარიგებებში ჩართული იყო გიგა ბოკერია. საქმე თითქმის გაჩარხული იყო.

აკლდებოდათ დაახლოებით 5 დეპუტატი. ამის შესახებ სააკაშვილი ამბობდა, რომ დანაკლისს „ოცნებიდან"  შეავსებდა. რამდენიმე კაცი გადმობირებული ჰყავდათ. მათი ლუსტრირება მოგვიანებით უნდა მომხდარიყო. ფინალამდე ვეღარ მივიდნენ, იმიტომ, რომ ყველა „რესპუბლიკელი" ვერ დაითანხმეს. იმ ორ თუ სამ „რესპუბლიკელში", რომლებმაც შეთქმულებაში მონაწილეობაზე უარი თქვეს, იყო დავით უსუფაშვილი" - აცხადებს მირიანაშვილი.

წყარო :