2016 წლის 27 ოქტომბერს, 18 საათზე, საქართველოს მწერალთა კავშირი  ნოდარ დუმბაძის სახელობის მოზარდ მაყურებელთა თეატრში ატარებს ცნობილი ქართველი მწერლის, რუსთაველის პრემიის ლაურეატის რევაზ ინანიშვილის 90 წლისთავისადმი მიძღვნილ საიუბილეო საღამოს. საღამო გაიმართება ქალაქ თბილისის მერიის კულტურული ღონისძიებების ცენტრისა და საქართველოს კულტურისა და ძეგლთა დაცვის სამინისტროს მხარდაჭერით.

ღონისძიებაზე წარმოდგენილი იქნება მოთხრობებიდან მცირე თეატრალური სცენები, სიტყვით გამოვლენ ცნობილი ქართველი მწერლები, საზოგადო მოღვაწეები და მუსიკალური ანსამბლები. ასევე ნაჩვენები იქნება რევაზ ინანიშვილისადმი მიძღვნილი დოკუმენტური ფილმი.