დეპუტატ ომარ ნიშნიანიძის განცხადებით, მიუღებელია „იდენტობის" აქცია, რომელიც დღეს ქუთაისში, პარლამენტის შენობასთან უნდა გაიმართოს.

„ჩემთვის მსგავსი აქცია მიუღებელია. ქუთაისში თუ ასეთ აქციას მოვესწრებოდი, ნამდვილად არ დამესიზმრებოდა. მე უარყოფითად ვუყურებ ამ ყველაფერს.

შეკრების თავისუფლება არის, ჩვენ ანტიდისკრიმინაციული კანონიც მივიღეთ. არაფერს არ ვუშავებთ მათ და ვიცავთ მათ უფლებებს, მაგრამ დემონსტრაციას, დროშების ქნევას და რაღაც-რაღაცეების გამოფენას, ჩემს ქალაქში ნამდვილად არ მივესალმები", - განაცხადა ომარ ნიშნიანიძემ

დღეს „იდენტობა" ქუთაისში, პარლამენტის შენობის წინ აქციას გამართავს. არასამთავრობო ორგანიზაცია აპირებს, გააპროტესტოს ქორწინების შესახებ საკონსტიტუციო ცვლილებასთან დაკავშირებით საჯარო-საორგანიზაციო კომისიის შექმნის საკითხი, რომლის თაობაზეც გადაწყვეტილებას პარლამენტი, სავარაუდოდ, დღეს მიიღებს.