ფარული ჩანაწერების საქმეზე ბრალდებულ ზურაბ ჯამალაშვილის მეუღლე თეა ჯამალაშვილმა ჟურნალისტებს განუცხადა, რომ ზურაბ ჯამალაშვილი უდანაშაულოა და პატიმრობაში იმყოფება მაშინ, როცა ინგა ჩატოიანი ცრუ ჩვენების მიცემის სანაცვლოდ, თავისუფალია.

„ცრუ ჩვენებებია მიცემული. ჩემს მეუღლეს არანაირი კავშირი არ ჰქონია ამ კადრებთან. მის მიმართ სანქცია არის 13 წლამდე, გადაიყვანეს ციხეზე, ხოლო ინგა ჩატოიანი დადის გარეთ. სწორედ ამან გამოიწვია ჩემი გაღიზიანება. ინგა ჩატოიანისთვის ფიზიკური შეურაცხყოფა არ მიმიყენებია, თუმცა, ამის მცდელობა ნამდვილად მქონდა. მინდოდა, გამომეჩინა მისი სახე, რათა დაენახა მთელ საქართველოს, რა ზეწოლის ქვეშ იყო", - განაცხადა თეა ჯამალაშვილმა.

ფარული ჩანაწერების საქმეზე ბრალდებულ ზურაბ ჯამალაშვილის მეუღლე ამავე საქმეზე ბრალდებულ ინგა ჩატოიანს დღეს სასამართლოში ორჯერ დაუპირისპირდა.