არჩევნების მეორე ტურში ჭიათურის #56 მაჟორიტარულ ოლქში „ქართული ოცნება-დემოკრატიული საქართველოს" კანდიდატმა სულხან მახათაძემ გაიმარჯვა.

როგორც „რეპორტიორს" ჭიათურის საოლქო საარჩევნო კომისიიდან აცნობეს, არჩევნებზე მისული 18522 ამომრჩევლიდან მახათაძეს ხმა 11 666-მა მისცა.

„თავისუფალი დემოკრატების" მაჟორიტარობის კანდიდატი თეიმურაზ გაფრინდაშვილი კი 6490 ხმით დამარცხდა.

არჩევნებმა ჭიათურაში მშვიდ ვითარებაში ჩაიარა. დღის განმავლობაში საოლქო საარჩევნო კომისიაში მხოლოდ ერთი საჩივარი შევიდა.