დონალდ ტრამპმა მხარდამჭერებს, ოჯახის წევრებსა და მშობლებს მადლობა გადაუხადა. მისი თქმით, არჩევნებში გამარჯვებულ ძალას აშშ-სთვის „დიდი ეკონომიკური გეგმა" აქვს.

„ჩვენ გავაორმაგებთ ზრდას და გვექნება მსოფლიოში ყველაზე ძლიერი ეკონომიკა. ამასთან, ვიმუშავებთ ყველა იმ ქვეყანასთან, რომელსაც ამის სურვილი ექნება. ჩვენ შესანიშნავი ურთიერთობები გვექნება. არც ერთი ოცნება არ არის მეტისმეტად დიდი, და არც ერთი გამოწვევა არ არის მეტისმეტად ძლიერი. არაფერი, რისი მიღწევაც ჩვენი მომავლისთვის გვინდა, ჩვენთვის არ არის ხელმიუწვდომელი. ამერიკას მხოლოდ საუკეთესო ექნება ყველაფერი.
აშშ-ს უზარმაზარი პოტენციალი აქვს. თითოეულ ამერიკელს ექნება შესაძლებლობა, თავისი პოტენციალი სრულად გამოიყენოს. ჩვენი ქვეყნის დავიწყებული მამაკაცები და ქალები დავიწყებულები აღარ იქნებიან", - განაცხადა დონალდ ტრამპმა.