NATO-ს გენერალური მდივანი იენს სტოლტენბერგი დონალდ ტრამპს საპრეზიდენტო არჩევნებში გამარჯვებას ულოცავს.

„ჩვენ უსაფრთხოების ახალი გარემოს სირთულეების წინაშე ვართ, მათ შორის არის ჰიბრიდული ომი, კიბერთავდასხმები, ტერორიზმის საფრთხე. აშშ-ის მთავრობა ისეთი მნიშვნელოვანია, როგორც არასდროს. ჩვენი ალიანსი ამერიკის უახლოეს მეგობრებს თითქმის 70 წლის განმავლობაში მშვიდობასა და კონფლიქტის პერიოდში აერთიანებდა. ძლიერი NATO კარგია აშშ-სთვის და ევროპისთვის.

NATO პასუხობს უსაფრთხოების ახალი ვითარებას. თუმცა ჩვენ კიდევ ბევრი სამუშაო გვაქვს. მე მოუთმენლად ველოდები ბატონ ტრამპთან მალე შეხვედრას და ბრიუსელში NATO-ს მომავალი წლის სამიტზე მის მასპინძლობას", - ნათქვამია სტოლტენბერგის განცხადებაში.