ჟურნალისტი ნინო ჯღარკავა განათლების მინისტრის ალექსანდრე ჯეჯელავას განცხადებას, რომ ზღაპრის პერსონაჟი კომბლე მოძალადე და ცუდი მეცხვარეა სოციალურ ქსელში ეხმაურება:

„ძლივს ერთი მინისტრი მიხვდა, რომ ქართული ხალხური ზღაპრები ძალადობას ქადაგებს. კომბლე კომბლებს ურახუნებდა, წიქარას დაკვლას უპირებდნენ და გააპარეს, ნაცარქექია სადგისს ურჭობდა დევს, ხუთკუნჭულაში დევი სანსლავდა ადამიანებს, ჩიტი ჩიორას ბარტყებს უჭამდნენ. ვაახ კაცო ეს რეებზე გავზრდილვართ თურმე და ესაა სიკეთის გამარჯვება ბოროტებაზე? კიდევ კარგად მოვედით აქამდე",- წერს ჯღარკავა.