ირმა ინაშვილი სოციალურ ქსელში წერს, რომ მსოფლიოში ე.წ. ოთხი არა-ს ეპოქა სრულდება.

„მსოფლიოში სრულდება ე.წ. ოთხი არა-ს ეპოქა: არა - სამშობლოს! არა - ეროვნებას! არა - სქესს! არა - რწმენას! მსოფლიო (მათ შორის, ევროპა და ამერიკაც) დაიღალა იმ ფსევდოლიბერალური ღირებულებების თავზე მოხვევით, რასაც საერთო არაფერი აქვს თვითონ ლიბერალიზმთან. ამერიკის პრეზიდენტის არჩევნებმა დაანგრია ე.წ. იარლიყების მიკერების იაფფასიანი ტექნოლოგიაც, ანუ ვინც ჩვენთან არაა, რუსეთის აგენტია. ამ მარაზმატიკული „ლოგიკით", თანამედროვე ამერიკას ტრამპზე დიდი რუსეთის აგენტი არა ჰყავს. იმედია, ქართული პოლიტიკური სპექტრი საღ დასკვნებს გამოტანს მსოფლიოში მიმდინარე პროცესებიდან და არ ჩაიკეტება ე.წ. პრო-ების ფილოსოფიის სრულიად აბსურდულ წრეში. სრულდება ერთი ეპოქა და იწყება მეორე. საჭიროა მეტი შემოქმედებითობა, მეტი თავისუფლება, მეტი გაბედულება ქართველ პოლიტიკოსთა აზროვნებაშიც და ქმედებებშიც", - წერს ინაშვილი.