კომპანიებმა - საერთაშორისო საინფორმაციო სააგენტო „ევრაზიამ", საინფორმაციო სააგენტო „ჯეონიუსმა", შპს რადიოკომპანია „საქართველოს ხმამ", შპს ტელე-რადიოკომპანია „TV 24"-მა და „Constantin Fetter LLC"-ის წარმომადგენლებმა, აუდიოვიზუალური წარმოების ხარისხის გაუმჯობესების მიზნით, ხელი მოაწერეს მემორანდუმს - მედიაგაერთიანების „ახალი საქართველოს" შექმნის შესახებ.

 ერთობლივი გადაწყვეტილებით, მედიაგაერთიანების აღმასრულებელი დირექტორი  პოლიტოლოგი ბადრი ნაჭყებია გახდა.

ბადრი ნაჭყებია იყო ტელე-რადიოკომპანია „მირ"-ის დირექტორი, ამერიკული მედიაკომპანია „CNN"-ის კონტრიბუტორი, ამჟამად მუშაობს თბილისის სახელმწიფო უნივერსიტეტისა და ჩინეთის სინძიანის უნივერსიტეტის ექსპერტ-კონსულტანტად.