პაკისტანის პროვინცია ბელუჯისტანის სუფისტურ მეჩეთში მომხდარ აფეთქებას 52 ადამიანის სიცოცხლე ემსხვერპლა, ასამდე კი - დაშავდა.

აფეთქება რიტუალური ცეკვის შესრულებისას მოხდა.

როგორც BBC იუწყება, ექსტრემისტულმა დაჯგუფება „ისლამურმა სახელმწიფომ" განაცხადა, რომ აფეთქება ერთ-ერთმა მისმა თვითმკვლელმა ტერორისტმა განახორციელა.

სუფიზმი ისლამის ერთ-ერთი მიმდინარეობაა, რომელსაც პაკისტანში მილიონობით მიმდევარი ჰყავს. ამ მიმდინარეობის წარმომადგენლები ხშირად ხდებიან ექსტრემისტების თავდასხმის სამიზნე.