„მოკლედ, ერთხელ ვიცეკვე აზერბაიჯანელი მეგობრის შვილის ქორწილში და... ვანო ჯავახიშვილის სცენარისტებს იმის მერე მუზა ეჭედებათ, ჩემი ცეკვა რომ არ აჩვენონ... იმეორებენ, იმეორებენ და იმეორებენ", - ამის შესახებ სოციალურ ქსელში „პატრიოტთა ალიანსის" გენერალური მდივანი ირმა ინაშვილი წერს.

„დალოცვილებო, მეასედ აჩვენებთ ერთი და იგივე ცეკვას, არ გეცოდებათ მაყურებელი?! იმ კვირაში იეზიდების ქორწილში ვარ დაპატიჟებული... „გოვანდი" უნდა ვიცეკვო!!! ამდენ წვალებას, გადამღები ჯგუფი გამომაყოლეთ, რომ ახალი ცეკვის მასალა გქონდეთ შემდეგი 3 თვის გადაცემებისთვის... თორემ ჩემი ცეკვის გარეშე, აშკარად დაკარგული გაქვთ სამსახური. თქვენი შვილების შიმშილის ცოდვას როგორ დავიდებ?! თებერვალში „სირტაკის" მწკრივშიც ჩაგსვამთ, წაგიყვანთ ბერძნების ქორწილში, თუ მანამდე კიდევ დარჩით ეთერში.

ისე მეცოდებით, თუ ქიბარ ხალვაშს გადაურჩით, მარტშიც მოვიფიქრებ, როგორ დაგეხმაროთ... უკვე „hava nagila"-ზე დაგპატიჟებთ... ამასობაში, თქვენი მიშიკოც გაისკვანჩება და მერე ზაქარია ფალიაშვილის „დაისიდან" ფრაგმენტი უკვე ნიკა გვარამიას შეასრულებინეთ. მე სიამოვნებით მოგისმენთ..." - წერს ირმა ინაშვილი.