უკრაინის პრეზიდენტმა პეტრო პოროშენკომ სტოკჰოლმში გამართულ პრესკონფერენციაზე განაცხადა, რომ არ აქვს რაიმე ინფორმაცია აშშ-ში საპრეზიდენტო არჩევნების შემდეგ რუსეთსა და აშშ-ს შორის შეთანხმების არსებობის შესახებ.

„ყირიმის საკითხი არ დევს აშშ-სა და რუსეთის ურთიერთობების სიბრტყეში.  არც ერთ სახელმწიფოს, გარდა ჩრდილოეთ კორეისა, არ უღიარებია ოკუპირებული ყირიმი რუსეთის ფედერაციის ნაწილად.

მაგრამ აშშ ხომ არ არის ჩრდილოეთ კორეა, ამიტომ პატივი ვცეთ ამერიკელ ხალხს და მათ პრეზიდენტს. ვერც კი წარმოვიდგენ ასეთ სიტუაციას", - განაცხადა პეტრო პოროშენკომ.