„ტასის" ინფორმაციით, ხმელთაშუა ზღვაში, სირიის სანაპიროებთან, რუსული სამხედრო მოიერიშე „მიგ-29 კ" ჩავარდა. როგორც რუსეთის თავდაცვის სამინისტროს პრესსამსახური იუწყება, მოიერიშე თვითმფრინავმა კატასტროფა მაშინ განიცადა, როდესაც ავიამზიდ „ადმირალ კუზნეცოვზე" დაფრენას ახორციელებდა. მათივე ცნობით, მფრინავმა კატაპულტირება შეძლო და სამძებრო-სამაშველო რაზმმა ის ავიამზიდის ბორტზე უვნებელი აიყვანა.

„საწვრთნელი გაფრენის შემდეგ, ტექნიკური გაუმართაობის გამო, დაფრენისას, ავიამზიდამდე რამდენიმე კილომეტრში მოხდა საავიაციო შემთხვევა", - ნათქვამია ინფორმაციაში.