რუსეთის საგარეო საქმეთა მინისტრის მოადგილემ სერგეი რიაბკოვმა „РИА новости"-სთან საუბრისას განაცხადა, რომ მოსკოვი პასუხს გასცემს ვაშინგტონის მიერ სანქციების გაფართოებას, თუმცა ახლა, ობამას ადმინისტრაციის წასვლის შემდეგ, მთავარი ამოცანაა აშშ-სთან ურთიერთობებში უფრო პოზიტიურ დღის წესრიგზე ორიენტირება.

„ჩვენ არ დავტოვებთ ამას უპასუხოდ. ახლა არ დავაანონსებთ საპასუხო ქმედებებს, თუ რა ფორმით და რა სახით გავცემთ პასუხს სასანქციო სიის გაფართოებას", - განაცხადა სერგეი რიაბკოვმა.

სერგეი რიაბკოვი იმედოვნებს, რომ ობამას ადმინისტრაციის ნაცვლად ისეთი ხალხი მოვა ამერიკის ხელისუფლებაში, ვინც უფრო მეტი პასუხისმგებლობით მოეკიდება რუსეთთან ურთიერთობებს.